Vodite računa o sebi i trudite se da upražnajvate zdrave životne navike, ili bar tako mislite.
Provjerite koje greške pravite živeći u zabludi da ste uradili nešto dobro za svoje zdravlje.
1. Uzimate lijekove sa pogrešnim pićem
Zašto je to loše: Uzimanje tableta sa sokom od grejpfruta može da poveća potencijalno dejstvo nekih lijekova, izazivajući nepredvidive nus pojave. Alkohol može da pojača efekte tableta za spavanje i izazove krvarenje želuca kod ljudi koji uzimaju anti-inflamatorne lijekove ili aspirin.
Jednostavno rješenje: Savjet farmaceuta bi bio: "Čitajte uputstva i uzimajte lijekove u pravo vrijeme. Ukoliko nije drugačije naznačeno, uzimajte lijekove samo sa vodom."
2. Pretpostavljate da je salata uvijek najbolji izbor
Zašto je to loše: "Ovaj zdravi izbor hrane je često sve samo ne i zdrav", kaže nutricionista, Leyla Lewis. "Prilozi i dodaci kao što su pavlaka, sir, slanina i razni dresinzi mogu da enormno podignu broj kalorija i procenat masti u salati." Jedna studija je pokazala da samo šest od 270 salata kupljenih u kafićima i restoranima brze hrane sadrži manje soli nego kesica čipsa.
Jednostavno rješenje: Zatražite dresing sa strane zatim umočite viljušku u njega pa navalite na salatu. "Dobićete sjajan ukus sa manje kalorija. Uvijek se potrudite da provjerite najbolje izbor menija online, prije nego što odete u restorane brze hrane."
3. I dalje preskačete doručak
Zašto je to loše: Jedna od osam odraslih osoba ne jede ujutru, uprkos brojnim studijama koje pokazuju da kasnije tokom dana neće obezbijediti neophodne vitamine i minerale koje su propustili preskačući doručak. Prema jednoj studiji iz 2009. objavljenoj u časopisu "Gojaznost" preskakanje doručka je jedan od okidača debljanja.
Jednostavno rješenje: "Uvijek u kući imajte zalihe hrane kao što su svježe i suho voće i orašate plodove, energetske pločice od zdravih žitarica, voćne sokove i hljeb od cjelovitih žitarica", savjetuje Leyla Lewis. "Ove namirnice ne morate posebno da pripremate, možete ih brzo pojesti i pokrenuti svoj dan na najzdraviji mogući način."
4. Uvijek birate nemasne ili "light" verzije hrane i pića
Zašto je to loše: Mnoge namirnice sa niskim sadržajem masti sadrže dodatni šećer da bi im se popravio ukus, objašnjava nutricionista Zoe Harkomb, autor knjige "Zašto se prejedate?" Šećer izaziva oslobađanje inzulina, koji čini da šećer u krvi opadne i tako izazove osjećaj gladi.
Jednostavno rješenje: Bolje je da jedete punomasnu hranu u manjim količinama, jer se ona duže vari i pomaže u održavanju osjećaja sitosti.
5. Ne unosite dovoljno kalcijuma - Izbjegavate mliječne proizvode
Zašto je to loše: "Za žene je posebno važno da dobiju dovoljno kalcijuma kroz svoju ishranu u svojim 20-im i 30-im, sve dok njihovo tijelo može da skladišti ovaj mineral", kaže nutricionista Fiona Hanter. "Kasnije u životu, ako ne uzimate dovoljno kalcijuma kroz ishranu, tijelo će ga preuzimati iz zaliha iz kostiju. Ovo može da dovede do ozbiljnih zdravstvenih problema kao što je osteoporoza."
Jednostavno rješenje: Od ključnog značaja je da jedete više povrća i konzervisane ribe, kao što su sardine, ali i mliječne proizvode.
