Ako ste ljubitelj cvijeća zasigurno ste već pretvorili svoju terasu ili balkon u mali cvjetni raj. Takođe, vjerovatno znate dosta o uzgoju cvijeća. Ovo su samo neki od prijedloga kojim možda obogatite vaše cvijeće za terase i donesete miris Mediterana.
Ladolež
Ako posadite ladolež na svojoj terasi možete je pretvoriti u bajkoliko mjesto. Ova puzavica ljubičastih cvjetova može se uplesti bilo gdje. Cvjeta od juna do septembra i potrebno mu je dosta sunca u jutarnjim časovima. Ladolež je poželjno đubriti na svakih deset dana tečnim đubrivom za cvjetnice. Zaliva se u zavisnosti od visine temperatura, na svaka dva do četiri dana. Sadi se u humus koji tada treba da bude vlažan.
Lavanda
U slučaju da želite da donesete malo Mediterana na vašu terasu, ali i u svoj dom, za vaše cvijeće za terase odaberite lavandu. Ova aromatična biljka je raj za vaša čula, njen miris se širi daleko i podsjeća na more. Osim toga, lavanda tjera komarce, pa tako ništa neće kvariti odmor i uživanje na terasi. Lavanda voli jarko sunce i malo vode, brzo se bokori i širi.
Mirisni ruzmarin
Takođe može biti cvijeće za terase koje podsjeća na Mediteran. Mirisni ruzmarin ima divne ljubičaste cvjetove i voli sunce. Ove biljke mogu se kupiti u raznim rasadnicima, pošto je već postalo učestalo da se mediteranske biljke uzgajaju kao cvjeće za terase.
Ljutić
Ljutić ili ranunculus je odlično cvijeće za terase jer bogato cvjeta. Cvjetovi ljutića su slični cvjetovima božura i potrajaće od kraja proljeća do kraja ljeta. Može da poraste od 30 do 40 centimetara u visinu, a ljutić cvjeta bujnije ako se redovno odstranjuju osušeni cvjetovi. Voli sunčana mjesta i pjeskovito tlo, ali i dosta vlage, pa se savjetuje temeljno i redovno zalivanje, naročito kada su žege jake, a temperature visoke.
Vinka
Vinka je jednogodišnja biljka porijeklom sa Madagaskara. Idealno je cvijeće za terase za one koji žele da unesu notu egzotike u svoju cvjetnu oazu. Dobra vijest za one čija terasa ili balkon nisu osunčani, jeste da vinka voli polusjenovita mjesta, bez izlaganja direktnoj sunčevoj svjetlosti. Takođe, odličan je izbor za one koji vole da dugo uživaju u cvijeću, na terasi vinka cvjeta od aprila do prvih jesenjih mrazeva. Njeni cvjetovi bijele, roze i ljubičaste boje odlično izgledaju posađeni u grupi, bilo kao žbunasta vrsta ili padajuća. Potrebno je vinku oprezno zalivati i orošavati listove.
Ciklama
Tačno je da je ciklama osjetljivo nježno cvijeće, ali je u toplim danima i divno osvježenje kao cvijeće za terase. Potrebno je samo zaštititi od promaje i jakog sunca. Ciklama cvjeta od maja do oktobra, a u zavisnosti od mjesta gdje ćete je držati i vašeg ukusa možete birati između patuljaste vrste ciklame, zatim nešto veće sorte do 15 centimetara visine ili one koje rastu do 30 centimetara. Neophodno je da kompost u saksiji ciklame bude konstantno vlažan, ovo je najbolje izvesti ako se saksija uroni u vodu.
