Prijetnja i reakcija!?

Premijer Kosova Albin Kurti kaže da bi trebalo promjeniti rukovodstvo sindikata u zdravstvu, jer isti ljudi godinama predstavljaju zdravstvene radnike, prenosi Reporteri.

Na te navode, oštro je reagovao predsjednik Saveza sindikata zdravstva Blerim Syla koji je rekao da je Kurti pretjerao sa prijetnjama i poručio da je vrijeme diktatora prošlo.

"Želim da ima promjena ljudi svuda, kao što se mijenjaju u politici, mora da bude promjena u svakoj oblasti društvenog i profesionalnog života. To je zato što sam ubjeđen da i zdravstvene radnike i građane Kosova ne treba da nastave da predstavljaju isti ljude dugi niz godina, ko god da su i gdje god da su", rekao je Kurti.

Syla je naveo da je nepoželjan za Kurtija jer traži Zakon o platama i povećanje blagostanja zdravstvenih radnika.

"Druže Kurti, kao da ste pretjerali sa prijetnjama i ucjenama, ali podsjećam vas: Vrijeme diktatora je prošlo i svaka vaša tendencija će propasti", naveo je Syla.

Poručio je da sindikalne lidere biraju zdravstveni radnici, a ne političari.

Naveo je i da je Vlada Kosova prekršila zakon i smanjila dodatke zdravstvenim radnicima sa 300 na 60 eura.
 
Izvor: Kosovo Online/Reporteri